Árið hefði getað byrjað betur hjá stjörnukokkinum og veitingastaðaeigandanum Hrefnu Rósu Sætran. En nýverið þurfti hún að loka Skelfiskmarkaðinum, sem hún opnaði í ágústmánuði í fyrra. Hrefna rekur enn þá tvo aðra veitingastaði, Grillmarkaðinn og Fiskmarkaðinn. Hafa þeir verið tveir af allra best reknu stöðunum í miðbæ Reykjavíkur um margra ára skeið. Auk þess á fyrirtæki hennar hluta í barnum Skúla Craft Bar.
Hrefna, sem er 38 ára gömul, hefur verið mjög áberandi í fjölmiðlum undanfarin ár. Hún hefur meðal annars stýrt matreiðsluþáttum, gefið út matreiðslubækur og eigin vörulínur. Þá hannar hún góðgerðarpítsu Domino’s sem vakið hefur mikla lukku. Hún byrjaði sem kokkur og byggði smám saman upp veldi sitt en erfiðasta hjallann hefur hún sagt hafa verið áhrif gossins í Eyjafjallajökli.
Hrefna býr með manni sínum, Birni Árnasyni ljósmyndara, í snotru einbýlishúsi í Skerjafirðinum. Gifting þeirra fór fram að ásatrúarsið. Eiga þau saman tvö börn og kött. Fluttu þau inn á neðri hæðina árið 2011 en árið 2017 keyptu þau þá efri líka.
Hluti af skýringu velgengni Grill- og Fiskmarkaðarins er kannski fólginn í því að vel er gert við starfsfólkið. Hrefna býður þeim stundum til útlanda, til dæmis til Lundúna, þar sem farið er á fína veitingastaði.
Heimili:
Fossagata 6
176,2 fm
Fasteignamat: 87.500.000 kr.
Hrefna Rósa Sætran:
Tekjublað DV 2018: 1.120.000 kr.
