Stjórnmálafræðingurinn og sjónvarpsmaðurinn skeleggi Jón Kristinn Snæhólm hefur látið af störfum sem talsmaður Sunnu Elviru Þorkelsdóttur og fjölskyldu hennar. Vill hann því ekki svara fyrir nýjar vendingar í málinu á borð við fíkniefnamálið og týnda bílaleigubílinn. Fyrst Jón Kristinn treystir sér ekki þá gætu þessir tekið við sem talsmenn Sunnu.
Björn er vanur viðskiptum á erlendri grundu og hefur reynslu þegar kemur að dómskerfinu.
Ásmundur er duglegur að keyra og getur keyrt allan Íberíuskagann til að finna týnda bílaleigubílinn.
Hallur er reynslumikill maður þegar kemur að því að fá Íslendinga heim en hann bar hitann og þungann af heimkomu Keikó á sínum tíma.
Ingvi Hrafn er sannfærandi maður eins og aðdáendur hins sáluga Hrafnaþings geta vitnað um. Ingvi er einnig duglegur við að vinna í sól.
Ingibjörg Sólrún er með góð tengsl inn í utanríkisþjónustuna og þekkir vel inn á hjálparstarf á alþjóðavettvangi.
