Helgi Hrafn Gunnarsson þingmaður Pírata og Inga Auðbjörg Straumland athafnastjóri hjá Siðmennt eiga von á sínu fyrsta barni. Inga Auðbjörg tilkynnir óléttuna í opinni færslu á facebook og eins við er að búast hefur hamingjuóskum rignt yfir hjónin.
„Tveir og hálfur Pírati!“ ritar Inga Auðbjörg og bætir við þeir sem hafi ekki vitað af óléttunni fyrr en nú sé nú loksins komnir með skýringu á bjór og skinku bindindi.
Parið gekk að eiga hvort annað í júlí 2016 en bónorð Ingu Auðbjargar til Helga Hrafns vakti mikla athygli á sínum tíma. Bónorðið átti sér stað í Rieneck-skátakastalann í Þýskalandi og fékk Inga Auðbjörg yfir hundrað manns til þess að taka þátt í svokallaðri „flash mob“ en það er enska heitið á stórum hópi fólks sem gerir eitthvað óvænt innan um almenning.
DV óskar Helga Hrafni og Ingu Auðbjörgu til hamingju með væntanlegan erfingja.
Hér má síðan sjá myndskeið af hinu eftirminnilega bónorði.
[youtube https://www.youtube.com/watch?v=G3WmmIT8piM&w=640&h=360]
