Líkt og við sögðum frá í lok september kepptu minnst sex íslenskar konur um að verða forsíðustúlka karlablaðsins Maxim. Um er að ræða alþjóðlega keppni þar sem sigurvegarinn fær að launum 25 þúsund dollara og verður forsíðustúlka tímaritsins. 

Af þessum sex fóru fjórar þeirra áfram í sínum hópi, það eru fyrirsæturnar Aníta Ösp Ingólfsdóttir, Bryndís Líf, Hulda Lind Kristins og Tanja Rós Viktoríudóttir. Tanja Rós, sem fæddist í Úkraínu, en býr á Íslandi var síðan sú eina sem komst áfram í undanúrslit.

„Ég komst af 31 þúsund stelpum áfram í semi final þar sem við vorum 168 stelpur,“ segir Tanja Rós í samtali við DV. Tanja Rós endaði þar í 5. sæti í sínum hópi.

„Ég safnaði yfir 300 þúsund íslenskra króna í góðgerðarverkefni fyrir Jared Allen’s Homes for Wounded Warriors,“ segir Tanja Rós, „og ég er mjög stolt af þessu og endalaus þakklátt hvað við Íslendingar erum að standa alltaf saman og hjálpa að styðja hvort annað.“

Bætir hún við að kannski hún reyni bara aftur að ári.

Konurnar 12 sem eftir standa má sjá hér.