Sumir segja myndina jaðra við sifjaspell
Fyrirsæturnar og systurnar,Bella og Gigi Hadid, sitja fyrir á forsíðu marstölublaðs breska Vogue, sem kemur í sölu 2. febrúar næstkomandi. Er óhætt að segja að myndin hefur vakið mikla athygli og það ekki jákvæða.
Tímaritið segir þær eftirsóttustu systurnar í bransanum og þess vegna hafi það viljað fá þær til að sitja fyrir saman. Og þær sitja aldeilis saman, á frekar furðulegan máta, og finnst mörgum aðdáendum þeirra nóg um.
//platform.instagram.com/en_US/embeds.js
Fyrsta myndin var birt á Instagram í gær og rigndi athugasemdum fylgjenda bókstaflega inn:
„Mér líður illa yfir þessari mynd“
„Óviðeigandi og truflandi svo ekki sé meira sagt. Vogue er tískutímarit, við kaupum það til að sjá föt. Ég get ekki ímyndað mér af hverju einhverjum finnst að þetta sé mynd sem viðskiptavinir vilja sjá. Með allan þann skandal sem er í gangi í tískuheiminum í dag, þá er þetta það sem þið bjóðið upp á??“
„Þetta er furðulegt og jaðrar við sifjaspell. Andlit Bellu lítur út fyrir að vera fótósjoppað og er mjög ólíkt henni.“
