Aðdáendur leikkonanna Jennifer Aniston og Reese Witherspoon geta farið að láta sig hlakka til, því samkvæmt fréttum vestanhafs munu þær leika saman aftur í sjónvarpsseríu. Eins og aðdáendur Friends vita þá léku þær systur í þeim þáttum og hafa haldið vinskap síðan.
Nýja serían, sem ekki hefur fengið nafn ennþá, fjallar um morgunþætti og þá fjölmiðla sem þeir tilheyra í New York. Aniston og Witherspoon eru einnig titlaðar sem framleiðendur, Jay Carson (House of Cards) skrifar handrit og það er Michael Ellenberg, fyrrum yfirmaður hjá HBO, og nýtt fyrirtæki hans Media Res, sem er titlað sem framleiðandi.
Witherspoon fékk nýlega tilnefningu til Emmy verðlauna fyrir hlutverk hennar í Big Little Lies og vann Óskar fyrir Walk the Line, auk þess sem hún fékk Óskarstilnefningu fyrir Wild. Aniston fékk fimm Emmy tilnefningar fyrir hlutverk sitt í Friends og vann eina.
