Mæðgurnar Kim Kardashian og North West, fjögurra ára, eru á forsíðu tímaritsins Interview, auk 18 mynda seríu inni í blaðinu. Þetta er í fyrsta sinn sem mæðgurnar sitja fyrir saman í opinberri myndatöku.
Myndirnar eru í stíl sjötta áratugarins og Kim bregður sér í líki Jackie Kennedy Onassis, fyrrum forsetafrú Bandaríkjanna, bæði í hágreiðslu, förðun og fatastíl, sem er mun virðulegri en aðdáendur Kim eiga að venjast. Á forsíðunni klæðist Kim klassískum hvítum kjól frá H&M. Ljósmyndari er Steven Klein.
