Jon Bon Jovi, söngvari og forsprakki hljómsveitarinnar Bon Jovi, er greinilega að hugsa sér til hreyfings og nú fæst íbúð hans í West Village á Manhattan í New York fyrir klink. 17,25 milljónir dollara er verðmiðinn, sem er um 1,8 milljarður íslenskra króna. Íbúðaverð virðist hækka líka vestanhafs eins og hér heima, þar sem Jon Bon keypti íbúðina á 12,87 milljónir dollara árið 2015.

Íbúðin er með sjö herbergi, þar af fjögur svefnherbergi og 4 og hálft baðherbergi eins og segir í lýsingu hennar hjá fasteignasölunni. Íbúðin er á tveimur hæðum, henni fylgir 140 fermetra garður og útsýnið yfir Hudson ánna er stórfenglegt.

Á meðal stjörnunágranna eru leikarinn Ben Stiller og fyrirsætan Irina Shayk. Sannarlega glæsileg eign á besta stað í New York.

Stofan Gluggarnir frá lofti niður í gólf einkenna íbúðina.

Garðurinn Hér má sóla sig og njóta útsýnisins.

Tvær hæðir Íbúðin er á tveimur hæðum með 140 fm garði.

Borðstofan Öll herbergi eru í sama bjarta, einfalda og flotta stílnum.

Svefnherbergi Öll svefnherbergin eru á efri hæðinni.

Gangur og stigapallur Bjartur, fallegur og stílhreinn eins og öll íbúðin.

Baðherbergi Það dugar ekkert minna en bað sem rúmar tvo.

Útsýnið Útsýnið er stórfenglegt.

Nálgast má frekari upplýsingar um eignina hér