Þegar flest fólk fær símhringingu úr vitlausu númeri kveður það kurteisilega, eftir að misskilningurinn hefur verið leiðréttur, og heldur áfram með lífið. En ekki Sofian Loho Dandel sem er 28 ára bifvélavirki frá Indónesíu.

Á síðasta ári fékk hann símtal frá konu sem hann þekkti ekkert. Í stað þess að kveðjast eftir að í ljós kom að hún hafði hringt í vitlaust númer töluðu þau um allt mögulegt í klukkutíma áður en þau slitu símtalinu.

Sofian kveðst hafa kolfallið fyrir rödd konunnar, sem heitir Marthe. Eftir nokkur símtöl ákváðu þau að hittast. Á þessum tímapunkti hafði Sofian ekki hugmynd um hvað konan, sem hann var orðinn ástfangin af væri gömul.

Þegar hann mætti í sína fyrstu heimsókn til Marthe brá honum nokkuð þegar 82 ára kona kom til dyra en hann hafði enga hugmynd um að konan sem hann var kolfallin fyrir væri 54 árum eldri en hann sjálfur.

Hann ákvað þó að staldra við og þau Marthe töluðu saman í tvær klukkustundir í þessari fyrstu heimsókn af mörgum. Hún sagði honum meðal annars að hún hefði búið ein síðastliðin 10 ár eftir að eiginmaður hennar féll frá en börnin þeirra tvö búa ekki í Indónesíu.

Nokkrum vikum síðar bað Sofian Marthe en þau gengu í hjónaband þann 18. febrúar síðastliðinn að viðstöddum fjölskyldu og vinum.