Herbert Guðmundsson gefur út nú fyrir jólin plötuna Starbrigt. Hefur platan að geyma tíu ný lög í anda áttunda áratugarins. Platan sem Herbert er nú að leggja lokahönd á hefur verið í vinnslu í rúmt ár.
„Ég vinn plötuna í samvinnu við son minn Svan Herbertsson,“ segir Herbert og bætir við að ekkert hafi verið til sparað við gerð plötunnar. „Reynt var að vanda til verka og nálgast eins og vel og hægt var hljóðheim áttunda áratugarins eins og ég var að gera þegar ég var að byrja í bransanum með lagið Can’t Walk Away.“
Herbert bætir við að lagið Starbrigt hafi fengið góðar viðtökur.
„Móttökurnar hafa verið vonum framar. Lagið situr t.d. í 11. sæti vinsældalista Rásar 2 um þessar mundir.
Tónlistarmyndbandið var unnið af Þór Freyssyni hjá Trabant ehf. Tökumaður var Tómas Marshall og Alfreð Sturla Böðvarsson sá um lýsingu.
„Þór var að skila af sér kóraþáttunum núna nýverið og hefur séð um alla framleiðslu á Idolinu og Ísland got talent. Hann er algjör fagmaður á sínu sviði og heiður að fá að vinna með svona hæfileikaríku og góðu fólki.“
[youtube https://www.youtube.com/watch?v=GcdUOUXtqqM&w=560&h=315]
