Snoop Dogg og Martha Stewart bregða á leik
Kvikmyndin Ghost með Patrick Swayze og Demi Moore í aðalhlutverkum er ein ástsælasta rómantíska mynd allra tíma, en myndin er frá 1990. Nýlega var þekktasta sena myndarinnar endurgerð af mjög sérstöku „pari,“ matardrottningunni Mörthu Stewart og rapparanum Snoop Dogg.
Senan sem um ræðir er atriðið þegar Moore situr við leirkeragerð, lagið Unchained Melody með Righteous Brothers spilar undir og Swayze sest fyrir aftan hana og þau búa til nýtt leirker saman áður en þau kyssast og fallast í faðma. Atriðið er sú sena sem fyrst kemur upp í huga fólks þegar minnst er á myndina og ein af þekktustu kvikmyndasenum allra tíma.
Og núna hafa Martha Stewart og Snoop Dogg endurgert senuna, en um er að ræða kynningarstiklu fyrir seríu tvö af þáttum þeirra Martha & Snoop´s Potluck Dinner Party, sem sýndir eru á VH1 sjónvarpsstöðinni. Í hverjum þætti fá þau þekkta gesti í heimsókn, sem smakka á réttum og gefa þeim einkunn.
//platform.instagram.com/en_US/embeds.js
Stewart segir að þó að Snoop Dogg sé einstaklega aðlaðandi þá sé samband þeirra eingöngu á faglegum nótum. „Hann er mjög aðlaðandi, sem manneskja,“ sagði Stewart í viðtali við Good Day New York. „Öllum líkar vel við hann. Það er frábært að hann er svona vinsæll og gestunum líkar vel við hann og koma vel fram við hann. Svo er hann með frábæran húmor.“
Sería tvö byrjar í sýningum 16. október næstkomandi.
Hér er svo atriðið úr kvikmyndinni Ghost til samanburðar.
