Önnur sería kemur á Netflix 27. október
Spennan magnast meðal aðdáenda Stranger Things þáttanna, en önnur sería þeirra kemur á Netflix 27. október næstkomandi. Um helgina komu svokölluð „karakter“ plaköt seríunnar birt, en þau eru alveg í anda þáttanna, í stíl níunda áratugarins.
Þættirnir segja frá ungum dreng í litlum smábæ sem hverfur sporlaust inn í aðra vídd okkar heims og leit móður hans, vina og annarra í bænum að sannleikanum um hvarf hans. Þættirnir hafa á sér dulúðlegan og yfirnáttúrulegan blæ og það virðast áhorfendur hafa kunnað að meta. Fjölmargar vísanir eru í verk eftir til dæmis Stephen Spielberg og Stephen King í þáttunum.
Fyrsta sería þáttanna sló rækilega í gegn sumarið 2016 og kom því ekki á óvart að fleiri seríur yrðu gerðar. Duffer bræður hafa gefið út að þriðja og jafnvel fjórða sería muni einnig verða að veruleika
