Samfélagsmiðlastjarnan Kylie Jenner segir frægðina valda henni miklu álagi. Hún segist upplifa mikla pressu við að þurfa ávallt að setja inn færslur og myndir af sér á Instagram og Snapchat til að halda aðdáendum sínum ánægðum.
Kylie, sem er með eigin raunveruleikaþátt, Life of Kylie, segist í raun lifa tvöföldu lífi. „Ég er búin að nota samfélagsmiðlana svo lengi að mér finnst auðveldara að nota þá heldur en vera ég sjálf á meðal almennings. Ég þarf á þessum miðlum að halda til að viðhalda ímyndinni.“
