Mömmur þurfa af og til frí frá móðurhlutverkinu, skella sér út með vinkonunum og sleppa fram af sér beislinu. Það er bara staðreynd að engin þerapía er jafngóð og góð kvöldstund með bestu vinkonunum sínum. Fjölmargar miðgóðar myndir hafa verið gerðar um akkúrat slíkar kvöldstundir og þann 2. ágúst verður sú nýjasta frumsýnd í Sambíóunum: Fun Mom Dinner. Myndin er sannkölluð konumynd, með konur í aðalhlutverkum, leikstjórn og handritsgerð.

Myndin fjallar um fjórar mæður sem eiga börn á sama leikskóla, en þekkjast lítið að öðru leyti, sem ákveða að fara út að borða saman. Það sem átti að vera fínt kvöld út að borða, vindur hinsvegar aðeins upp á sig með kostulegum afleiðingum.

Toni Collette Að öðrum ólostuðum þá skartar myndin hinni frábæru áströlsku Toni Collette í einu aðalhlutverkanna. Hún varð fyrst þekkt fyrir hlutverk hennar sem hin óframfærna Muriel í Muriel´s Wedding, sem kom út 1994. Síðan þá hefur hún leikið mörg hlutverk, sem hafa vakið mismikla athygli, sem dæmi má nefna myndirnar The Sixth Sense (1999) og Little Miss Sunshine (2006), sem báðar voru vinsælar meðal gagnrýnenda og áhorfenda.

Hinar mæðurnar leika Molly Shannon, gleðisprengjan sem þekkt er úr Saturday Night Live þáttunum og hinar minna þekktu hér heima, Katie Aselton og Bridget Everett. Julie Rudd skrifar handrit og eiginmaður hennar, leikarinn Paul Rudd, leikur „cameo“ hlutverk og er hans ekki getið á plakati myndarinnar.

Myndin skartar líka einni poppstjörnu í leikarahópnum, en söngvari Maroon 5, Adam Levine, leikur eitt aðalhlutverkanna. Hann er ekki alveg óvanur leiklistinni, því hann lék til að mynda í fyrstu seríu American Horror sjónvarpsþáttanna.

Það er tilvalið fyrir vinkonur, frænkur, systur og mæðgur að bóka gott kvöld saman, fara út að bregða og sjá síðan Fun Mom Dinner í Sambíóunum.

Hinar mæðurnar leika Molly Shannon, gleðisprengjan sem þekkt er úr Saturday Night Live þáttunum og hinar minna þekktu hér heima, Katie Aselton og Bridget Everett. Julie Rudd skrifar handrit og eiginmaður hennar, leikarinn Paul Rudd, leikur „cameo“ hlutverk og er hans ekki getið á plakati myndarinnar.