Tökur á nýrri kvikmynd um Löru Croft standa nú yfir og er frumsýning á myndinni áætluð í 16. mars 2018. Myndirnar um Löru eru byggðar á samnefndum karakter úr tölvuleik frá 1996, vinsældir hennar síðan hafa verið gríðarlegar og hefur hún birst í fleiri leikjum, teiknimyndaþáttum, kvikmyndum auk þess sem hægt er að kaupa alls konar varning með nafni hennar og myndum á. Einnig hefur hún verið á forsíðu yfir 1.100 tímarita, fleiri en nokkur fyrirsæta hefur gert.

Angelina Jolie gerði Löru Croft ódauðlega á hvíta tjaldinu í tveimur kvikmyndum, 2001 og 2003, og nú er komið að hinni sænsku Aliciu Vikander í endurgerðinni. Myndir af tökustað síðan í febrúar og af Vikander í sumarfríi fyrir stuttu sýna að hún er í fantaformi. Hún leikur sjálf í flestum áhættuatriðum myndarinnar. Auk þess sem hún neglir útlit Löru. Það verður því spennandi að sjá hvernig henni tekst til í hlutverkinu.

Tekur við af Jolie Vikander tekur við keflinu af Jolie sem lék Löru Croft í tveimur myndum.

Í tökum Vikander við tökur.

Hin 28 ára gamla leikkona hefur farið nokkuð hratt upp á stjörnuhimininn í Hollywood. Hún fékk Óskarinn 2016 fyrir besta leik í aukahlutverki fyrir Danish Girl, auk þess sem hún skilaði eftirminnilegum hlutverkum í The Man from U.N.C.L.E. (2016) og Jason Bourne (2016). Fimm myndir með henni eru nú í vinnslu.

Á meðal þeirra sem komu til greina í hlutverk Löru Croft í endurgerðinni voru Daisy Ridley, sem leikur Rey í nýjustu Star Wars-myndunum.

Í sumarfríi Vikander naut sín vel í sumarfríi í Formentera á Spáni með kærastanum Michael Fassbender.

Í fantaformi Vikander er ekki stór, 165 sentimetrar og 60 kíló, en hún er í fantaformi.