Spjallþáttastjórnandinn beygði af – Sonurinn þurfti að fara í hjartaskurðaðgerð
Spjallþáttastjórnandinn Jimmy Kimmel ákvað að deila erfiðri stundu í lífi sínu með áhorfendum sínum í fyrrakvöld þegar hann greindi frá því að nýfæddur sonur hans, William Kimmel, hefði fæðst með hjartagalla þann 21. apríl síðastliðinn.
Kimmel (49) var einlægur og barðist við tárin þegar hann greindi frá því að drengurinn nýfæddi hefði þurft að gangast undir hjartaskurðaðgerð skömmu eftir fæðingu til að bjarga lífi hans. Kimmel lét þó áhorfendur vita fyrirfram að þó þetta væri óhugnanlega saga, sem augljóslega væri erfitt að segja frá, þá endaði hún vel.
Best er að leyfa Kimmel að sjá um að segja söguna, en myndbandið má sjá hér fyrir neðan. Frásögnin lætur engan ósnortinn.
