Karlakór Reykjavíkur kom vegfarendum heldur betur á óvart rétt eftir hádegið í dag með óvæntri uppákomu á útitaflinu í miðborg Reykjavíkur.

Kórinn tekur þátt í risastóru Norrænu karlakóramóti í Hörpu í dag, en þar koma saman 23 kórar og syngja saman til þess meðal annars að fagna 100 ára afmæli karlakórsins Fóstbræðra.

Raddböndin þanin Piltarnir gáfu allt í sönginn og tilfinningin skilaði sér heldur betur til áhorfenda sem ætluðu að sturlast úr fögnuði eftir hvert einasta lag.

Það er óhætt að segja að karlakórinn prúðbúni hafi slegið í geng á útitaflinu í dag. Ferðamenn jafnt sem innfæddir féllu í stafi yfir fögrum tónum, en kórinn tók nokkur gullfalleg ættjarðarlög undir stjórn Friðriks S. Kristinssonar.

Blaðakona DV var á staðnum og náði að fanga stemmninguna með snjallsíma sínum!

[youtube https://www.youtube.com/watch?v=zrK6ZpfmJVk&w=560&h=315]