Kardashian ofurbomburnar, Kim og Kourtney mættu á Hótel Rangá í gærkvöldi ásamt fríðu föruneyti og gistu þar í nótt.

Sjá nánar:Kvartað undan Kourtney í pottinum á Hótel Rangá: Sjáðu myndbandið

Eins og DV greindi frá í morgun var Kourtney og vinum vísað úr heitum potti sem staðsettur er á hótelsvæði Hótels Rangár vegna kvartana sem borist höfðu til gestamóttöku hótelsins.

Í dag birti Kourtney og Simon Huck, vinur þeirra myndband af sér á fullu í ræktinni, þa sem sjá mátti að vel hafði verið tekið á. Síðar birti Kim Kardashian mynd af lóðum og boxi frá Sláturfélagi Suðurlands þar sem hún skrifaði undir „Verðum að nota það sem við finnum! Íslenskar æfingar!“

Ekki er vitað hvenær ferðalangarnir hyggjast fara af landi brott en þau komu hingað til lands síðastliðinn sunnudagsmorgun.

Ýmislegt hefur drifið á daga þeirra síðan þau komu hingað til lands. Þau fóru fyrsta daginn og skoðuðu Gullfoss og Geysi, kíktu á tómatbónda. Í gær spókuðu Kourtney og Jonathan Chebat, fjölskylduvinur þeirra um í miðbænum þar sem þau skoðuðu Hallgrímskirkjuturn, versluðu í 66°Norður og smökkuðu Bæjarins bestu pylsu.

Sjá nánar: Kourtney fékk sér pylsu á Bæjarins Beztu: Tók remúlaðið af og henti því í ruslið

Sjáðu myndbandið af æfingunum
[youtube https://www.youtube.com/watch?v=ejpLGigZkJ4?rel=0&w=640&h=360]