Kourtney Kardashian og Jonathan Ceban komu við á Bæjarins Beztu í Tryggvagötu og fengu sér pylsu. Fetuðu þau þar með í fótspor Bills Clinton, fyrrverandi Bandaríkjaforseta, sem fékk sér pylsu með sinnepi. Önnur frægðarmenni hafa gert slíkt hið sama, til að mynda meðlimir hljómsveitarinnar Metallica.

Samkvæmt upplýsingum DV fékk Kourtney sér pylsu með remúlaði, tómatsósu og sinnepi. Kourtney virtist ekki mikið gefin fyrir remúlaðið því hún skóf það af pylsunni sinni og henti því í ruslið. Jonathan fékk sér pylsu í brauði, en eftir því sem næst verður komist var ekkert á pylsunni hans.

Kim Kardashian slóst í hópinn með þeim Kourtney og Jonathan við pylsuvagninn í Tryggvagötunni nú eftir hádegi, en fyrr í dag spókuðu þau Kourtney og Jonathan sig um á Skólavörðustígnum og á Laugavegi. Öryggisgæsla í kringum hópinn er mikil. Þegar þetta er skrifað hefur Kim ekki enn fengið sér pylsu.

Kourtney Var umkringd aðdáendum í miðborginni í dag.

Mynd: DV ehf / Sigtryggur Ari

Mynd: DV ehf / Sigtryggur Ari