Ég er foreldrum mínum og fjölskyldu rosalega þakklát fyrir að standa þétt við bakið á mér í gegnum allt saman, og gera enn í dag,“ segir Jóhanna Kristín Bárðardóttir sem byrjaði einn daginn að fá skjálfta í höfuðið, þá 18 ára gömul Misjafnlega langt leið á milli kasta þar til hún var 24 gömul. „Þá fer ég að fá skjálftan oftar og í lengri tíma í senn og ég verð alveg óvinnufær, sem var erfitt að sætta sig við.“

Frásögn Jóhönnu birtist á vefsíðu Motivation „Ég var mikið veik með þessu og á miklum lyfjum, alltaf að prófa ný lyf og gekk mjög illa að finna réttu lyfin þar sem læknar vissu ekkert hvað væri að mér,“ rifjar hún upp og bætir við að 27 ára gömul hafi hún byrjað að fá krampa og var „sparkandi og berjandi hönudum af fullu afli án þess að hafa neina stjórn á því.“

Jóhanna greindist einnig með sjálfsofnæmisjúkdóm ári síðar sem leiddi til þess að hún var taka allt að 40 töflur á dag. Hún fór hægt og rólega að breyta um lífsstíl en hún hafði meðal annars bætt á sig rúmlega 20 kílóum vegna veikindanna. Einnig fékk hún ný lyf sem virkuðu betur. Sjúkdómur hennar kemur þó í köstum svo að hún var ekki laus við veikindin.

Hún lýsir því hvernig breyttur lífstíll minnkuðu veikindi hennar til muna. „Um árið 2011 byrja ég að hreyfa mig meira og fer að stunda hlaup. Ég setti mér það markmið að taka þátt í 10 km Reykjavíkurmaraþoni. Það tókst mér til mikillar ánægju 2013. Ég fann strax að eftir því sem ég varð líkamlega sterkari fór ég að verða mun sjaldnar veik og betur undirbúin til að takast á við sjúkdómin þegar hann réðst á mig.“

Jóhanna byrjaði einnig að sækja tíma hjá einkaþjálfara og gerði það gæfumuninn. Líðan hennar og lífsgæði í dag eru gjörbreytt frá því sem áður var. Vill hún meina að það eigi hún hollum lífstíl og hreyfingu að þakka. „Í dag er ég 38 ára gömul og vinn 30 prósent vinnu í beitningu. Ég er langt frá því að vera laus við veikindi enn það er mjög langt síðan mér hefur liðið eins vel og í dag.“

Hér má lesa frásögn Jóhönnu í heild sinni