Ótrúlegir hæfileikar- Dómari stóð upp á borðinu í lokin
Sópranósöngkona á unglingsaldri vann hug og hjörtu áhorfenda og dómara á dögunum þegar áheyrnarprufur fóru fram fyrir Spain´s Got Talent en um er að ræða spænsku útgáfuna af sjónvarpsþáttunum vinsælu. Í lokin lá við að þakið myndi rifna af húsinu – slík voru fagnarviðbrögðin við flutningi hennar á hinni klassísku aríu O mio babbino caro.
Hin 15 ára gamla Arianna Moia sem er ítölsk og kemur frá Kanarí Eyjum kveðst vera afar náin móður sinni sem bundin er við hjólastól eftir bílslys. Ef Arianna vinnur keppnina vill hún nota verðlaunaféð til hjálpa móður sinni að finna hugsanlega lækningu.
Viðstaddir fengu gæsahúð þegar hin unga og upprennandi söngkona hóf upp raust sína og hreif hún allan salinn með sér líkt og sjá má á myndskeiðinu hér fyrir neðan. Það ættu því að vera talsverðar líkur á því að hún muni geta uppfyllt draum sinn.
[youtube https://www.youtube.com/watch?v=Gga7I9QS-58&w=854&h=480]
