Með yfir 500 þúsund fylgjendur á nokkrum klukkustundum – „Ég er að hefja nýtt ferðalag“
Frans páfi er kominn með sinn eigin aðgang á Instagram. Aðgangurinn varð virkur í morgun og hefur páfi þegar birt tvær myndir á samfélagsmiðlinum.
Frans páfi tilkynnti síðastliðinn fimmtudag að hann myndi stofna aðgang á Instagram og að hann yrði gerður virkur í dag. Nú, þegar aðeins nokkrar klukkustundir eru síðan Frans gerðist notandi, hefur yfir hálf milljón manns byrjað að fylgja honum á Instagram.
Instgram er þó ekki eini samfélagsmiðilinn sem Frans páfi notar. Hann er til að mynda öflugur á Twitter, þar sem hann er með hátt í 9 milljónir fylgjenda. Frans birti færslu á Twitter fyrr í dag þar sem hann tilkynnti fylgjendum sínum að hann væri kominn á Instagram.
„Ég er að hefja nýtt ferðalag, á Instagram, þar sem ég geng með ykkur á Guðs vegum,“ sagði Frans á Twitter.
I am beginning a new journey, on Instagram, to walk with you along the path of mercy and the tenderness of God.
— Pope Francis (@Pontifex) March 19, 2016
//platform.twitter.com/widgets.js
Notendanafn Frans páfa á Instagram er „Franciscus.“ Hér fyrir neðan má sjá þær myndir sem hann er búinn að birta.
//platform.instagram.com/en_US/embeds.js
