Magnaður flutningur tryllti áhorfendur og dómara á Spáni – Dómari dansaði upp á borði og rakst óvart í rauða hnappinn
Hin 37 ára Cristina Ramos tók nýverið þátt í áhorfendaprufu fyrir spænsku útgáfu sjónvarpsþáttarins Got Talent. Ramos fletti þar saman tveimur lögum frá ansi ólíkum tónlistarstefnum og gjörsamlega tryllti bæði áhorfendur og dómara með frábærri framstöðu.
Ramos mætti í síðum svörtum kjól og kynnti sig fyrir dómnefndinni, eins og hefð er fyrir í keppninni. Því næst byrjaði hún að syngja óperulag og gerði það listilega vel. Miðað við svipbrigði dómaranna féll fallegur söngur hennar vel í kramið hjá þeim flestum og héldu þeir að þarna væri komin stórgóð óperusöngkona í keppina.
Í miðjum flutningi hennar byrjuðu svo skyndilega aðrir tónar að heyrast. Ramos skipti þá algjörlega um gír, reif af sér kjólinn og byrjaði að syngja þungarokkslagið Highway To Hell, með áströlsku hljómsveitinni AC/DC.
Bæði dómarar og áhorfendur vissu hreinlega ekki í hvorn fótinn þeir áttu að stíga þegar að kraftmikil rokksöngrödd Ramos braust út. Á nokkrum sekúndum voru bókstaflega allir í salnum staðnir upp og hrifning viðstaddra leyndi sér ekki.
Í æsingnum rakst einn dómari óvart í rauða stopphnappinn, þegar hann dansaði upp á borði við flutning Ramos af rokklaginu. Á endanum sló svo annar dómari á gullhnappinn og sendi Ramos beint í undanúrslit keppninnar.
Hér má sjá magnað atriði Ramos.