Ríku krakkarnir á samfélagsmiðlum á borð við Instagram kunna svo sannarlega að spreða peningum og njóta alls þess sem ríkidæmið býður upp á.
Ríku krakkarnir á Instagram, eða Rich Kids of Instagram, er vinsæl vefsíða sem birtir myndir af vellauðugum unglingum sem, í sumum tilfellum allavega, hafa varla hafa þurft að lyfta litla fingri á ævi sinni en eru samt vellauðug.
Á Instagram má finna fleiri slíkar síður um bandaríska unglinga. En Rússar eiga líka sinn fjölda af ríkum unglingum eins og sjá má á Instagram-síðu sem birtir brot af því allra besta. Þarna má meðal annars sjá börn ríkra olígarka í Rússlandi á snekkjum og við hlið glæsibifreiða.
Eigandi Instagram-síðunnar segir að börn ríkra foreldra fari alls ekki í taugarnar á honum, en efnahagslegt óréttlæti geri það hins vegar. Hér að neðan má sjá ríku rússnesku krakkana á Instagram.