Enski tónlistarmaðurinn Ed Sheeran dvelur hér á landi þessa dagana með kærustu sinni, Cherry Seaborn. Þessi 25 ára tónlistarmaður skellti sér á Eyjafjallajökul í gær og mætti hann á svæðið í þyrlu. Mynd af kappanum á jöklinum birtist á Facebook í gær.

Samkvæmt upplýsingum DV fór tónlistarmaðurinn meðal annars á vélsleða auk þess sem hann prófaði hundasleða. Virtist Sheeran skemmta sér vel í kuldanum uppi á jökli.

Á miðvikudag var greint frá því að Sheeran hefði fagnað afmælisdegi sínum í Gamla fjósinu undir Eyjafjöllum þar sem hann borðaði meðal annars steikarsamloku.