Kraftajötuninn Hafþór Júlíus Björnsson, einn sterkasti maður heims, skoraði á dögunum á Nökkva Fjalar Orrason, einn af stjórnendum sjónvarpsþáttarins Áttan, að reyna við mataræði sitt í einn sólarhring. Nökkvi ákvað taka þeirri áskorun og tók mynd af tilraun sinni.

Óhætt er að segja að Nökkvi hafi átt ansi erfitt verkefni fyrir höndum en hann hóf myndbandið í Hagkaup, þar sem hann fylgdi innkaupalista frá Hafþóri.

„Ég held að ég gæti boðið allri fjölskyldu minni í mat í fimm daga með þessu,“ sagði Nökkvi en maturinn, sem var fyrir sirka tvo sólarhringa kostaði um 42 þúsund krónur.

Nökkvi byrjaði á morgunverði sem saman stóð af átta eggjum og nýmjólk. Nökkvi komst með herkjum í gegnum þá máltíð og tveimur tímum síðar var komið að máltíð númer tvö. Þá náði hann ekki að klára en um var að ræða skyrdrykk.

„Hafþór er að drekka þetta og ég er að borða þetta eins og graut.“

Því næst fór Nökkvi í hádegismat hjá Hafþóri sjálfum þar sem kraftakappinn eldaði nautasteik. Nökkvi sagði að steikin væri besti matur sem hann hefði smakkað en var svo saddur eftir matinn að hann kastaði upp.

Nökkvi sleppti máltíð númer fjögur, sem var um tveimur tímum eftir steikina. Hann hélt svo áfram að reyna að halda í matarræðið og borða á sirka tveggja tíma fresti. Nökkvi sleppti þó kvöldmátltíð númer eitt „samkvæmt læknisráði.“

Hann lét þó vaða í kvöldmáltíð númer tvö og fara gegn læknisráði.

„Haffi borðar 12 þúsund hitaeiningar, að minnsta kosti, á meðan það er áætlað að ég borði tvö til þrjú þúsund. Okkar útreikningar segja að ég sé búinn að borða sex þúsund hitaeiningar í dag.

„Ég get ekki meir, ég kem þessu ekki niður. Ég verð bara að hætta, þetta er ómennskt. Ég get bara ekki kyngt. Líkaminn leyfir mér ekki að kyngja meira,“ sagði Nökkvi og átti þá enn eftir að drekka próteindrykk fyrir svefninn.

Hér má sjá myndband af tilraun Nökkva.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/is_IS/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));