Stórstjarnan Russell Crowe gæti verið á leið í hjónaband. Nýja konan í lífi hans er sögð vera Terri Irwin, ekkja sjónvarpsmannsins Steve Irwin. Slúðurblöð fullyrða að þau hafi sagt nánum vinum frá sambandi sínu og geti vel hugsað sér að ganga í hjónaband. Terri missti mann sinn fyrir tíu árum. Hann var náttúruverndarsinni og umsjónarmaður dýragarðs í Ástralíu. Hann öðlaðist mikla frægð fyrir þætti sína The Crocodile Hunter sem hann sá um ásamt eiginkonu sinni. Dauði hans varð heimsfrétt en hann lést við upptöku á þætti sínum þegar stingskata stakk hann í hjartastað. Terri er náttúruverndarsinni og rithöfundur. Hún er fædd í Bandaríkjunum en býr í Ástralíu. Hún á tvö börn og er jafn gömul Crowe, 52 ára. Hvorugt þeirra hefur staðfest fréttir um ástarsamband, en þau hafa verið vinir í mörg ár.
