Bandaríska tímaritið Playboy sendi fyrirsætuna Ausrine Olivia til Íslands fyrir skemmstu þar sem hún sat fyrir nakin í íslenskri náttúru. Með í för var virtur ljósmyndari, Ana Dias, sem tók myndir af Ausrine. Afraksturinn var svo birtur á YouTube-síðu Playboy í gær.

Töfrandi staður

„Ég sá Ísland alltaf fyrir mér sem töfrandi stað sem virtist vera svo langt í burtu. Ég sá það fyrir mér sem fallegasta stað jarðar með ótrúlegu landslagi. Og nú, þegar ég hef séð það með eigin augum, get ég sagt með sanni að það er rétt,“ segir Ana Dias í myndbandinu en hún er vinsæll ljósmyndari með tæplega 70 þúsund fylgjendur á Facebook og Instagram. Ausrine, fyrirsætan í myndbandinu, er frá Litháen.

Kalt í veðri

Í myndbandinu sést hópurinn meðal annars koma við í Bláa lóninu og á Sólheimasandi, við flak Douglas Dakota-flugvélarinnar sem liggur á sandinum. Hópurinn notaði flugvélaflakið sem bakgrunn í nokkrum myndatökum og má meðal annars sjá Ausrine sitja fáklædd á flakinu.

Myndirnar virðast hafa verið teknar í sumar en þrátt fyrir það er þeim Dias og Ausrine tíðrætt um að kalt hafi verið í veðri meðan á tökunum stóð. En Ana Dias ber landinu góða söguna og segir í lok myndbandsins að hún vonist til þess að koma aftur sem allra fyrst.

„Ísland er án nokkurs vafa einn ótrúlegasti staður sem ég hef séð. Ég þarf að koma aftur bráðlega,“ segir Ana í lok myndbandsins sem má sjá hér að neðan.

[youtube https://www.youtube.com/watch?v=ZQpZPt2rvHI&w=690&h=415]