Kim Kardashian er farin frá Frakklandi í einkaþotu eftir að hafa orðið fyrir barðinu á þjófum sem beindu skotvopnum að henni í nótt. Líkt og áður segir réðust mennirnir inn á hótelsvítu hennar í París og rændu skartgripum, snjallsímum sem geyma mjög persónulegt efni, og öðrum verðmætum.

Verðmæti ránsfengsins eru um 11 milljónir dollara. Þar af eru skartgripir sem Kardashian fékk lánaða fyrir tískuvikuna sem og hringur sem einn og sér er metinn á 4,5 milljónir dollara.

Í frétt Daily Mail um ránið sem segir að mennirnir, sem voru fimm, hafi verið klæddir eins og lögreglumenn.

Þá segir í fréttinni að grunlaus hótelstarfsmaður hafi hleypt mönnunum inn á hótelið, Hôtel Partiulier,um klukkan hálf þrjú í nótt. Eftir að þeir voru komnir inn réðust mennirnir á starfsmanninn, handjárnuðu hann, ógnuðu honum með byssu og létu hann fylgja sér sér að svítu Kardashian.

Skjáskot af Twitter Aðstoðarkona Kim fylgir henni út í einkaþotu í París í morgun

Í framhaldinu brutu mennirnir sér leið inn í íbúð stjörnunnar, ógnuðu henni skotvopni, bundu handa og læstu inni á einu af baðherbergjum svítunnar. Kardashian ku vera mjög brugðið eftir árásina en hún er ómeidd.

Börn Kardashian, North sem er þriggja ára og Saint sem er 10 mánaða, voru ekki í íbúðinni. En Kardashian var viðstödd tískuvikuna í París sem er í fullum gangi í borginni.

Kardashian er nú á heimleið en hún sást ganga um borð í einkaþotu á Charles De Gaulle alþjóðaflugvellinum í París í morgun í fylgd lífvarðar og aðstoðarkonu sinnar.

Kardashian huldi andliti sitt með svörtum trefli til að forðast ljósmyndara en hún var yfirheyrð vegna málsins fyrr í morgun.

[youtube https://www.youtube.com/watch?v=H5qIarDRR9U&w=540&h=320]

Eiginmaður Kardashian, Kanye West, var með tónleika í New York, þegar ránið var framið. Hann stöðvaði þá skyndilega í miðju lagi og sagði aðdáendum sýnum að hann þyrfti að fara þar sem neyðartilfelli hefði komið upp í fjölskyldunni, líkt og sjá má á myndbandinu sem birtist hér að neðan ofan..