Ungur maður í Bandaríkjunum var fyrr í vikunni spurður, í beinni útsendingu, hvað hann gera ef hann ynni yfir 500 milljónir dollara í lottói. Maðurinn svaraði um hæl að hann myndi eyða peningunum í vændiskonur og kókaín.

Fyrr í vikunni var gríðarlega stór lottóvinningur dreginn út í Bandaríkjunum. Potturinn nam 524 milljónum dollara og fór fjöldi fólks á sölustaði til að næla sér í miða. Fréttakona Fox fór á sölustað í Las Vegas og ræddi við lottóspilara.

Fréttakonan spurði ungan mann hvaða tölur hann ætlaði að velja. Maðurinn taldi upp þær tölur sem hann ætlaði að nota og sagði þær vera happatölurnar hans.

Fréttakonan og maðurinn ræddu svo um hversu litlar líkur væri á því að vinna í lottóinu. Að því lokum spurði fréttakonan hvað maðurinn ætlaði að gera við peningana, ef hann fengi stóra vinninginn.

Maðurinn var fljótur að svara og sagðist ætla að eyða peningnum í „vændiskonur og kókaín.“ Svarið kom fréttakonu Fox algjörlega í opna skjöldu og sprakk hún úr hlátri.

Þess má geta að tölurnar sem maðurinn taldi upp fyrir fréttakonuna voru ekki vinningstölurnar í lottóinu.

Hér má sjá myndband af því þegar að fréttakonan ræðir við manninn.