Ingólfur Þórarinsson, einnig þekktur sem Ingó Veðurguð, tilkynnti skömmu fyrir áramót að hljómsveitin Ingó og Veðurguðirnir væru nú á leið í pásu. Sjálfur hyggst Ingó halda áfram með nýju bandi og leitar hann nú að nafni fyrir nýja bandið.

„Sælir kæru vinir og gleðilega hátíð. Eftir 10 ár saman höfum við í bandinu ákveðið að taka okkur smá pásu! Þetta hefur verið ansi viðburðaríkur tími þar sem við höfum verið svo heppnir að fá að koma fram nánast á hverjum einasta stað á landinu og spila fyrir hálfa þjóðina er óhætt að segja. Við þökkum ykkur innilega fyrir góðar viðtökur og margar frábærar stundir!

Ég mun hins vegar halda áfram að koma fram og ætla að spýta í lófana og fara að dæla út músík. Þá kemur hins vegar að ykkur, mig vantar nauðsynlega nafn á þá hreyfingu tónlistarmanna sem verður mér innan handar,“ segir í færslu frá Ingó sem birt var 30 desember síðastliðinn.

Í kjölfarið hófst nafnakeppni og bauð Ingó vegleg verðlaun. Eina skilyrðið var að nafn nýju hljómsveitarinnar kæmi á eftir nafni hans. Það er að segja Ingó og…

Í dag tilkynnti Ingó svo á Facebook-síðu sinni að dómnefnd hefði valið tíu bestu tillögurnar í nafnakeppninni. Þær voru svo birtar í athugasemdum fyrir neðan færsluna. Þar geta aðdáendur kappans líkað við sitt uppáhalds nafn.

„Ég tilkynni svo nafnið á bandið eftir 2 til 3 daga og sigurvegarann i leiðinni. Flest like verða metin og dómnefnd velur einnig sitt besta.“

Ingó segir að eitt af fyrstu verkefnum nýja bandsins verði að taka þátt í forkeppni Eurovision í febrúar.

Hér má sjá færsluna og sjá hvaða nöfn koma til greina.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/is_IS/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));