Geir Ólafsson söngvari og unnusta hans Adriana fæddist dóttir í morgun. Þetta er fyrsta barn þeirra beggja og er hinn nýbakaði faðir í skýjunum. Hafa þau Adriana verið saman um skeið en hún er bankastjóri hjá Santander bankanum í Madrid á Spáni og kynntust þau á Íslandi.

Geir greindi frá fæðingu frumburðarins á fésbók fyrr í morgun. „Kæru vinir, í morgun eignuðust við Adriana okkar fyrsta barn. Falleg stúlka heilbrigð og svo yndisfögur. Móður og barni vegnar vel en eru eðlilega smá þreytt. Gangi ykkur vel.“

Geir var í viðtali við DV.is síðastliðið sumar þar sem hann ræddi meðal annars væntanlegt föðurhlutverk: „Þetta eru mikil gleðitíðindi og ég vona bara og bið til guðs að barnið verði heilbrigt. Það er aðalatriðið. Ég vona að fái svo að upplifa það að vera góður faðir. Þeir segja að þetta sé spennandi hlutverk, þeir sem hafa lent í þessu.“