Íþróttafréttamaðurinn Guðmundur Benediktsson rak upp hávært og skært öskur þegar hann lýsti leik í ensku úrvalsdeildinni í gær. Öskrið hefur nú verið notað í bráðskemmtilegt myndband með brotum úr þekktum kvikmyndum.

Leikurinn var á milli stórliðanna Liverpool og Arsenal og var hann sýndur í beinni útsendingu á Stöð 2 sport.

Um miðjan fyrri hálfleik fékk Olivier Giroud, sóknarmaður Arsenal, sannkallað dauðafæri til að koma sínum mönnum í forystu. Giroud klúðraði hins vegar fyrir framan opnu marki og rak lýsirinn upp hávært öskur.

Öskrið vakti strax mikla athygli og hefur því nú verið skellt saman við mörg fræg atriði í kvikmyndasögunni. Má þar nefna atriði úr Lord of the rings, Inglourious basterds og sturtuatriðið í Hitchcock-kvikmyndinni Psycho, sem er eitt frægasta öskuratriði allra tíma.

Hér má sjá myndbandið sem kallað er „The Gummhelm Scream.“