Að missa barnið sitt er það skelfilegasta sem getur hent foreldra. Sorgin hlífir engum, ekki heldur ríka og fræga fólkinu og hér er sagt frá heimsfrægum stjörnum sem misstu barn.
Gregory Peck Jonathan Peck var elsti sonur leikarans Gregory Peck, myndarlegur og reglusamur. Hann vann á útvarps- og sjónvarpsstöðvum og var að sögn eins yfirmanna hans með indælustu mönnum. Hann framdi sjálfmorð þegar hann var þrítugur. Faðir hans tók lát hans svo nærri sér að hann dró sig í hlé frá kvikmyndaleik í tvö ár.
John Travolta og Kelly Preston Sonur John Travolta and Kelly Preston lést árið 2009, 16 ára gamall, eftir flogaveikikast.
Lou Costello Tvíeykið Abbott og Costello nutu gríðarlegra vinsælda á árum áður, sáu um eigin útvarpsþætti og léku í fjölmörgum kvikmyndum. Í nóvembermánuði 1943 mætti Costello í stúdíó NBC þar sem senda átti út gamanþátt þeirra félaga. Þar var honum sögð sú harmafrétt að tæplega árs gamall sonur hans hefði fallið í sundlaug fjölskyldunnar og drukknað. Costello hafði fyrr um daginn beðið konu sína um að leyfa hinum unga syni að hlusta á útvarpsþáttinn. Costello vildi ekki hætta við útsendinguna heldur sagði: „Hvar sem hann er núna, þá vil ég að hann heyri til mín.“ Hann flutti síðan gamanmál ásamt félaga sínum.Náin vinkona Costello sagði að dauði sonarins hefði breytt honum, hann hefði átt til að verða uppstökkur og ekki jafn hlýr og ærslafullur og áður.
Mia Farrow Ættleidd dóttir Miu Farrow, Tam Farrow, lést árið 2000, 19 ára gömul. Banamein hennar var hjartabilun. Önnur dóttir Miu, Lark, sem hún ættleiddi ásamt Andre Previn, lést úr lungnabólgu árið 2008, 35 ára gömul, en hún var eyðnismituð.
Roy Rogers og Dale Evans Dóttir Roy Rogers og Dale Evans, Robin Elizabeth, lést tæplega tveggja ára gömul, en hún var með Downs-heilkenni. Dale Evans skrifaði metsölubók um þessa ungu dóttur sína og vann ötullega að því að breyta viðhorfi til barna með þroskahömlun og varð mikið ágengt.
Marlon Brando Marlon Brando átti fjölda barna, þar á meðal voru Christian og Cheyenne sem voru hálfsystkini. Christian skaut unnusta Cheyenne til bana árið 1990. Cheyenne fæddi barn látins unnusta síns en reyndi síðan misheppnað sjálfsvíg. Hún var greind með geðklofa og missti forræði yfir barni sínu. Cheyenne framdi sjálfsmorð árið 1995, 25 ára gömul, með því að hengja sig. Fjölskylduharmleikurinn tók mjög á Marlon Brando.
Sylvester Stallone og dætur Sonur Sylvester Stallone, Sage, lést af völdum hjartaáfalls árið 2012 og var þá einungis 36 ára. Móðir hans er Sasha Czack.
