Stjörnuhjónin Mila Kunis og Ashton Kutcher eiga von á sínu öðru barni. Þetta staðfesti fjölmiðlafulltrúi þeirra í gærkvöldi.

Hjónin kynntust þegar þau léku saman í þáttaröðinni That ´70s Show árið 1998. Þau fóru þó ekki að slá sér saman í raunveruleikanum fyrr en nokkrum árum síðar eða árið 2012. Parið gifti sig árið 2015 en þau eiga saman dótturina Wyatt Isabelle sem er 20 mánaða.

Eftir að stúlkan kom í heiminn sagði Kunis í samtali við spjallþáttastjórnandann James Corden að hún hefði notið þess í botn að vera ófrísk og móðurhlutverkið væri stórkostlegt.

Fyrr á árinu greindi Kunis jafnframt frá því að þau hjónin væru að reyna að eignast annað barn. Þar sagði hún sömuleiðis frá því að kynlífið þeirra væri magnað. EKki kemur fram í tilkynningu hjónanna hvenær von er á krílinu í heiminn.