Ívar Daníels sem er helmingur dúettsins Ívar og Magnús sem margir muna eftir úr Ísland got talent í fyrra, hélt upp á þrítugsafmæli sitt í liðinni viku.

Hann átti alls ekki von á að Davíð bróðir hans kæmist í afmælisveisluna, þar sem Davíð er búsettur í Danmörku.

Í samtali við Vísi.is segist Ívar ekki hafa vitað neitt um áform vina hans og ættingja um að láta Davíð mæta óvænt í veisluna.

„Svona eftir á þá sé ég fullt af hlutum þar sem ég hefði átt að sjá að eitthvað var í gangi. Kærastan mín sagði mér til að mynda nokkrum sinnum að hún væri að fara út að borða en þá var hún ekkert búin að hafa sig til. Þá var hún að fara að leggja á ráðin um þetta,“ segir Ívar í samtali við Vísi.

Eftir mikinn undirbúning og feluleik kom Davíð bróður sínum á óvart í veislunni. Eiríkur Þór Hafdal, bróðir Magnúsar Hafdal sem skipar dúettinn góða með Ívari, tók upp myndbandið og sá um myndvinnslu.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/is_IS/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));