„Fólk þarf líka að meta, ekki bara kaupa allt sem ég segi, þú þarft að hugsa þetta út frá sjálfum sér,“ segir Þórunn Ívarsdóttir en hún ein af þeim af sem halda úti svokölluðu lífstílsbloggi. Slík blogg hafa haslað sér völl undanfarin misseri en aðilar sem halda úti slíkum vefsíðum fá meðal annars sendar vörur frá fyrirtækjum sem vonast til að fá umfjöllun.

Lífstílsblogg hafa ekki verið undaskilin gagnrýni en meðal annars hafa vaknað upp spurningar um trúverðugleika þeirra umfjallana sem þar birtast. Vaknað hafa upp spurningar um hvort umræddar umfjallanir séu aðkeyptar og endurspegli þar af leiðandi ekki alltaf persónulegt og hreinskilið álit bloggarans.

Rætt er við Þórunni í Kastljósi í kvöld ásamt Línu Birgittu Camillu sem einnig heldur úti vinsælu lífstílsbloggi. „Það er mjög auðvelt í dag og ódýrt fyrir fyrirtæki að auglýsa í gegnum bloggara. Við fáum sendar vörur, stundum sýnishorn en yfirleitt vörur og sumir fá pening, það er misjafnt eftir því hvað er í gangi,“ segir Lína Birgitta Camilla.

„Fólk ger­ir sér í raun­inni ekki grein fyr­ir því hvað við blogg­ar­ar fáum mikið af drasli , fyr­ir­gefðu, dóti eða vör­um sent til þess að prófa. Snyrti­vör­ur, fatnaður, gjafa­bréf bara name it, hár­vör­ur mikið líka. Það er bara allt frá sokk­um uppí lins­ur í aug­un,“ seg­ir Lína Birgitta Camilla jafnframt.

Þá segir Þórunn mikilvægt að fólk girnist ekki til að kaupa hvað sem er. „Ég hef alveg líka fengið mjög ljótar vörur sem ég hef þurft að segja nei við. Og þá segi ég bara nei.“

Hægt er að sjá viðtalið við þær Línu og Þórunni í Kastljósi sem sýndur er á Rúv í kvöld.