Robbie Williams og eiginkona hans Ayda Field eignuðust nýlega dóttur sem þau segja líffræðilega sína, en þau nutu aðstoðar staðgöngumóður.

Dóttirin Colette (Coco) Josephine Williams, er þriðja barn hjónanna, sem fyrir eiga Teddy og Charlie.

Field póstaði svart hvítri mynd á Instagram af fimm höndum og skrifar með: „Ég sé með auga mínu litla hendi sem bæst hefur við,“ og bætir við að þau hjónin hafi haldið því leyndu að von væri á dótturinni í heiminn.

Parið gifti sig árið 2010, dóttirin Teddy fæddist árið 2012 og sonurinn Charlie árið 2014.

„Fjölskyldur eru margskonar og þessi litla dama, sem er líffræðilega okkar, var fædd með aðstoð einstakrar staðgöngumóður og við verðum henni ævinlega þakklát. Við erum himinlifandi yfir að þessi fallega stúlka sé orðin hluti af fjölskyldu okkar og erum þakklát fyrir að búa í heimi, sem gerir fæðingu hennar að veruleika.

Við óskum eftir að fá næði til að venjast nýju hlutverki og verða fimm manna fjölskylda.“