Handboltahetjan Aron Pálmarsson, sem nýverið gekk til liðs við FC Barcelona, og unnusta hans leikkonan Ágústa Eva Erlendsdóttir, eignuðust litla stúlku í gær þann 7. nóvember.

Þetta er fyrsta barn Arons en annað barn Ágústu Evu. Fyrir á hún soninn Þorleif Óðinn sem fæddist í júlí 2011. Fjölskyldunni heilsast mjög vel en sú stutta, sem vó 3880 gr og 51 sm, ku vera afspyrnu lagleg enda varla við öðru að búast með svo fjallmyndarlega foreldra.

Fæðingin fór fram á Hospital de Barcelona sem er þekktur fyrir góða aðstöðu og læknateymi. Fjölskyldan hyggst búa að hluta til á Spáni en Ágùsta Eva mun koma fram á jólatónleikum Stefáns Hilmarssonar þann 15. desember og má þvì vænta að þessi litli íslenski-katalani njóti fyrstu jólanna sinna á Íslandi ì faðmi stórfjölskyldunnar.

Birta óskar þeim velfarnaðar og vonast svo til sjá sem mest af þeim á landinu.