Hafa samband
DV
Fókus

Kristrún heillaði Tyrki upp úr skónum en skoðanir voru skiptar um hvíta dragt sem hún klæddist

Fókus
Fimmtudaginn 9. júlí 2026 19:30
Mynd/Getty

Kristrún Frostadóttir forsætisráðherra vakti gríðarlega athygli í Tyrklandi og víðar á leiðtogafundi NATO sem fór fram á dögunum í Ankara á Tyrklandi. Margir hrósuðu henni fyrir að vera ómyrk í máli þegar hún sagði Ísland skýrt í sinni afstöðu um að Grænland tilheyri Grænlendingum. Vakti klæðaburður hennar einnig athygli þó að skiptar skoðanir hafi verið á hvítri dragt sem hún klæddist á fundinum.

Tyrkneska blaðakonan Meltem Ö. Marbois, sem er búsett í Frakklandi, gagnrýndi dragtina og segir hana ekki í samræmi viðtyrknesk viðmið. Jakki dragtarinnar sé of stuttur og buxurnar of þröngar. Þar með sjáist línur forsætisráðherrans sem sé ekki viðeigandi. Rétt er að taka fram að þessari fullyrðingu er harðlega mótmælt af samlöndum blaðakonunnar í athugasemdum. Þar er bent á að Kristrún sé ekki múslimi og hafi enga sérstaka ástæðu til að hylja útlínur sínar. Klæðnaður hennar sé auk þess frekar íhaldssamur og látlaus þó að hann sé á sama tíma smekk- og glæsilegur.

„Afsakið mig, en kona sem mætir á alþjóðlegan fund í svona fatnaði er ekki með únsu af skynsemi. Finnska gellan var svona líka. Þeir [kjósendur] velja þetta fólk til að vera ekkert meira en augnayndi.“

Fékk blaðakonan eins að heyra það að Kristrún væri vel starfi sínu vaxin, með góða menntun og fullfær um að standa jafnfætis öðrum þjóðarleiðtogum sem mættu til fundarins.

Aðrir hrósuðu fatnaðinum og notuðu hann sem dæmi um það að vestrænn klæðnaður þurfi ekki að þýða það að hold sé berað. Þessir aðilar fengu þó líka gagnrýni og var bent á að bæði Kristrún og forsætisráðherra Ítalíu, Giorgia Meloni, væru þarna mættar á fund NATO sem þjóðarleiðtogar en ekki sem ferðamenn eða fyrirsætur á tískusýningu. Því sé fullkomlega eðlilegt að þær, líkt og karlkyns þjóðarleiðtogarnir, hafi klætt sig í jakkaföt (eða dragtir öllu heldur) frekar en bikiní eða blómakjóla.

 

 

 

 

 

Eins vakti það athygli netverja hvað Kristrún er ungur þjóðarleiðtogi og hversu mikil lífsgæði eru hjá þjóð hennar þar sem meðallaun eru margfalt hærri en í Tyrklandi og mun meiri jöfnuður. 

 

 

Fannst Kristrún bjóða Trump birginn 

Kristrún vakti eins athygli Bandaríkjamanna sem fylgdust með fundinum. Þar með talið hjá MAGA-áhrifavaldnum Matt Wallace sem taldi Kristrúnu hafa boðið Donald Trump Bandaríkjaforseta birginn þegar hún tók í hönd hans og horfði í augu hans á sama tíma. Að mati Wallace var Kristrún þar í einhvers konar valdatafli.

Sakna Kristrúnar strax

 Sumir urðu hálf hryggir þegar Kristrún yfirgaf fundinn.

 

Fleiri fréttir