Bianca er ástralskur arkitekt en er frægust fyrir að hafa verið í sambandi með rapparanum Kanye West. Það var ekki aðeins samband þeirra sem vakti athygli heldur einnig klæðaburður Biöncu á meðan þau voru saman, en hún var gjarnan mjög fáklædd, stundum nánast nakin.
Fyrir rúmlega viku síðan staðfesti Kanye orðróminn um að þau væru hætt saman. Hann sagði það hafa verið vegna fordómafullra ummæla hans á X, áður Twitter.
Sjá einnig: Opinberar ástæðuna fyrir því að Bianca Censori fór frá honum
Síðan þá hefur Bianca haldið sig að mestu úr sviðsljósinu og í þau skipti sem hún hefur verið mynduð á ferð og flugi hefur hún verið fullklædd.
Slúðurmiðlar vestanhafs greina frá því að það sé mikið drama í kringum sambandsslit Kanye og Biöncu, sumir miðlar segja fyrrverandi eiginkonu Kanye, Kim Kardashian, vera að blanda sér í málið og reyna að vernda Biöncu.
Það vakti því mikla athygli þegar Angelina birti myndina á Instagram.
Angelina býr í Ástralíu og hefur áður birt myndir af þeim systrum.
Sjá einnig: Systir Biöncu Censori birtir djörfustu myndina af henni til þessa
