fbpx
Mánudagur 21.apríl 2025
Fókus

Stefán rifjar upp þegar hann og fleiri voru kallaðir á teppið hjá Árvakri

Fókus
Fimmtudaginn 27. mars 2025 18:30

Ekki missa af Helstu tíðindum dagsins í pósthólfið þitt

Lesa nánar

Stefán Pálsson sagnfræðingur rifjar upp skemmtilega frásögn af því þegar hann og nokkrir fleiri voru kallaðir á teppið hjá Árvakri. Ástæðan var sú að Stefán var í hópi sem stofnaði vefrit og var markmið þess að vera með gamanmál.

„Við tyggðum okkur netfangið Mogginn-punktur-com. Ekki leið á löngu þar til við fengum reiðilegt símtal frá Árvakri þar sem við vorum kallaðir á fund með einhverjum yfirmanni og lögfræðingi og okkur hótað öllu illu, dómsmálum og skaðabótakröfum. Morgunblaðið ætti Mogga-nafnið og þetta væri því gróft brot,“ segir Stefán á Facebook-síðu sinni.

Hann segir að hópurinn hafi bent á að Árvakur væri vissulega með skráð vörumerkið Morgunblaðið, en öðru máli gilti um Mogga-heitið.

„Þetta taldi lögfræðingurinn engu máli skipta, þar sem blaðið ætti hefðarrétt á þessu gælunafni. Nema hvað að Morgunblaðið hafði alltaf tekið sig svo alvarlega að það notaði aldrei þetta Mogga-nafn. Eina dæmið sem lögfræðingar blaðsins gátu dregið fram var að um nokkurra ára skeið höfðu „Myndasögur Moggans“ birst á barnasíðum blaðsins. Það fannst okkur nú frekar rýr grunnur að hefðarrétti og veikt efni í dómsmál,“ segir Stefán.

Að lokum fór það svo að hópurinn nennti ekki að standa í þjarki og ákvað því að skipta um nafn.

„Ekki liðu nema örfáir dagar þar til að Morgunblaðið tilkynnti um opnun „Moggabúðarinnar“ þar sem hægt var að kaupa kaffimál og derhúfu með Morgunblaðsmerkinu ef ég man rétt. Það virtist nokkuð augljóst að lögfræðideildin hafði gefið út fyrirskipun um að treysta eignarhald félagsins á Mogganafninu betur í sessi. Og núna er Mogginn ekki lengur feiminn við að kalla sig Mogga,“ segir Stefán en í dag var greint frá því að Mogginn, nýtt app Morgunblaðsins og mbl.is, væri komið í loftið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 5 dögum

Segir frá risafjárhæð sem Elon Musk bauð henni fyrir að þegja um fæðingu barns þeirra

Segir frá risafjárhæð sem Elon Musk bauð henni fyrir að þegja um fæðingu barns þeirra
Fókus
Fyrir 5 dögum

Benóný eða Benjamín, hvor er það?

Benóný eða Benjamín, hvor er það?
Fókus
Fyrir 6 dögum

Vara við fölsuðum útgáfum af Ozempic

Vara við fölsuðum útgáfum af Ozempic
Fókus
Fyrir 6 dögum

Sótti innblástur í berrassaða fyrrverandi eiginkonu fyrrverandi kærastans

Sótti innblástur í berrassaða fyrrverandi eiginkonu fyrrverandi kærastans