Dr. Phil McGraw hefur sett fram þá kenningu sína að fjögur börn Kim Kardashian og Kanye West muni enda í kerfinu sem fósturbörn.

Fyrrum spjallþáttastjórnandinn varaði við því í nýju viðtali að Kardashian geti staðið frammi fyrir alvarlegum vanda ef hún fer ekki í mál við barnsföður sinn og fyrrum eiginmann.

„Ef þú þarft neyðarinngrip, þá færðu neyðarinngrip,“ sagði hann í hlaðvarpi TMZ „2 Angry Men“ á miðvikudag. „Það sem við viljum ekki er að þessi börn fari í fóstur vegna þess að það kerfi er bilað.“

Dr. Phil vísaði á bug þeirri fullyrðingu að samfélagslega staða milljarðamæringa myndi vernda börn þeirra, North, 11 ára, Saint, níu ára, Chicago, sjö ára og Psalm, fimm ára, fyrir slíkum aðstæðum.

„Ef þú hugsar: „Jæja, með svona mikla peninga, munu þau ekki lenda í fóstri,“ þá er það rangt,“ sagði hann.

„Ef barnavernd (e. Department of Children and Families) kemur inn í máli og telur að annað foreldrið sé ekki að bregðast við þegar hitt foreldrið bregst skyldum sínum, þá mun barnavernd grípa til aðgerða.  Líklegra yrði að börnin yrðu send í fóstur til vandamanna frekar en ókunnugra, en þú vilt ekki að þessi börn séu vanrækt.“

Hjónin fyrrverandi hófu samband sitt árið 2012, giftu sig 2014 og skildu árið 2022. Samþykktu þau sameiginlegt og lagalegt forræði yfir börnunum. Miðlar vestanhafs hafa greint frá að Kardashian íhugi að sækja um breytingu á forræðinu eftir að dóttir þeirra, North, kom fram í nýju lagi West ásamt Sean „Diddy“ Combs og syni hans. Samþykki Kardashian ekki þátttöku dótturinnar.

Nýlega batt hún einnig enda á heimsókn North til föður síns eftir að Kardashian fékk veður af því að 

Andrew Tate og bróðir hans, Tristan Tate, yrðu þar líka, en þeir eiga yfir höfði sér ákæru fyrir nauðgun og mansal.

Fyrr í þessum mánuði birti West langa færslu á X þar sem hann sakaði barnsmóður sína og „Kardashian mafíuna“ um að takmarka uppeldishæfileika hans og bar hann í leiðinni forræðissamning þeirra við „heimsókn“ í fangelsi“.