Hin brasilíska Jeniffer Castro setti netið á hliðina í desember eftir að hún neitaði að láta grátandi barni eftir gluggasæti sitt í flugvél. Um var að ræða stutt flug, 50 mínútur, frá Rio de Janeiro til Belo Horizonte. Castro hafði borgað sérstaklega fyrir gluggasætið og samþykkti ekki að láta barninu eftir sætið þegar foreldrar þess fóru fram á það.
Fyrir vikið tók annar farþegi upp símann og tók upp myndband af Castro og birti af netinu til að niðurlægja hana. Myndbandið fór í mikla dreifingu og vakti fjörugar umræður um óskráðar kurteisisvenjur í háloftunum, sem og hvort það sé forsvaranlegt að taka fólk upp án þeirra samþykkis.
Castro hefur nú greint frá því að málið hafi rústað lífi hennar. Hún segir í samtali við MailOnline: „Síðan þetta átti sér stað hefur líf mitt tekið U-beygju sem ég hefði aldrei getað séð fyrir. Hvað varðar feril minn hefur líf mitt tekið umbreytingum, svo miklum að ég er ekki lengur að starfa við það sem ég gerði áður. Ég var á þessum tíma að vinna í banka.“
@dailymail A passenger was publicly shamed by a mom after refusing to swap seats with her toddler. When she boarded the plane, she found the kid sitting in her window seat, and asked him to move, making the child cry. Now she’s considering legal actions against the mom and the airline, as they ‘could have asked me if I need anything, or if I was bothered by the passenger, but they didn’t.’ 🎥 Jam Press #toddler #kid #plane #film #public #fly ♬ Scary Tense – Steve Ralph
Eins hafi málið haft áhrif á einkalíf hennar. Þegar myndbandið var í sem mestri dreifingu þorði hún varla að yfirgefa heimili sitt.
„Það sem átti að vera venjuleg flugferð breyttist í ótrúlega niðurlægjandi lífsreynslu þar sem birt var ósanngjörn mynd af mér með afleiðingum á bæði vinnu mína og einkalíf. Ég varð fyrir barðinu á sleggjudómum, árásum og slúðri frá fólki sem vita ekki einu sinni alla söguna.“
Castro hefur nú ákveðið að stefna flugfélaginu GOL út af hatrinu sem hún fékk yfir sig. „Ég hef ákveðið að stefna félaginu því það sem kom fyrir mig var ótrúleg niðurlæging og þetta hefði aldrei átt að fara svona. Þetta snýst ekki bara um miskabætur heldur um að það séu einhver mörk fyrir svona hegðun.“
Castro segir að það hafi ekki verið móðir barnsins sem tók upp myndbandið heldur annar farþegi. Hún ætlar að beina málsókn sinni að þeim aðilum sem hún telur hafa brotið gegn friðhelgi einkalífs síns. Castro greinir frá því að hún hafi reynt að gera gott úr þessu öllu. Hún missti vinnuna en vakti svo mikla athygli að henni tókst að finna nýja leið til að afla sér tekna. Hún er nú Instagram-áhrifavaldur.
