Viðtalið var tekið þegar veitingastaðurinn Planet Hollywood var opnaður í New York í síðustu viku og voru Baldwin-hjónin á meðal gesta.
Hilaria virtist efins um það hvort það kæmi önnur þáttaröð en Alec greip þá fram í fyrir henni og sagði að hún væri „sigurvegari“. Hilaria var ekki ánægð með inngrip eiginmannsins.
„Guð minn góður. Þegar ég er að tala þá talar þú ekki,“ sagði hún og baðst Alec afsökunar. „Nei, þegar ég tala þá talar þú ekki,“ ítrekaði hún og sagði síðan: „Þetta er ástæðan fyrir því að við þurfum að klippa hann út úr þáttunum.“
Hjónin voru svo spurð nánar út í þáttinn en Hilaria hélt áfram að gera athugasemdir við svör eiginmannsins, að hann væri að grípa fram í fyrir henni og trufla hana.
Í umfjöllun Mail Online kemur fram að viðtalið hafi vakið talsverða athygli á samfélagsmiðlum og að margir hafi gagnrýnt Hilariu fyrir furðulega framkomu.
„Það er erfitt að horfa á þetta,“ sagði einn. „Guð minn góður. Hann er að hrósa henni en hún segir honum að þegja,“ sagði annar. „Hún er mjög dónaleg við eiginmann sinn fyrir framan alla,“ sagði svo enn annar.
Viðtalið má sjá hér að neðan:
@extra_tv Alec and Hilaria Baldwin on if we'll see a Season 2 of their family reality show! 📺 #alecbaldwin #hilariabaldwin #thebaldwins #tlc ♬ original sound – ExtraTV
