Það mætti segja að Knight sé vinsælasta, allavega virkasta, klámstjarna Ástralíu, en hún fékk það viðurnefni eftir að hafa sofið hjá 600 manns í fyrra, 300 árið á undan og svo í ár ætlar hún að sofa hjá 1000 manns.
Knight rataði einnig í fréttirnar þegar henni og samstarfskonu hennar, Bonnie Blue, var vísað frá Fídjíeyjum eftir að hafa auglýst eftir ungum karlmönnum til að stunda kynlíf með.
Sjá einnig: Kynlífsóðu klámstjörnunni sparkað úr landi
Nú er Knight í leit að ástinni, en hún segir erfitt að finna þann eina rétta. Hún fór á fyrsta stefnumótið sitt í tvö ár og hefur nú farið á tvö fyrstu stefnumót, hvorugt fór vel.
Klámstjarnan er 28 ára og langar að finna einhvern til að verja lífinu með.
„Ég er að leita að einhverjum heiðarlegum, einhverjum með opinn huga, dæmir ekki, virðir starfið mitt og einhver sem lætur mig hlæja. Útlitið skiptir ekki eins miklu máli en ég verð auðvitað að laðast að honum,“ sagði Knight við News.com.au.
„Ég veit að núna er rétti tíminn til að finna ástina því ég er tilbúin. Ég er enn í sama starfinu en ég er 28 ára og lifi þessu ótrúlega lífi og það væri æðislegt að geta deilt því með einhverjum.“
Knight fór á stefnumót um daginn, hennar annað fyrsta stefnumót, með fasteignasala. Hún sagðist þykja leiðinlegt að „ýta undir steríótýpuna“ en sagði manninn hafa verið „fávita.“
Hún nefndi nokkra hluti sem maðurinn gerði sem heillaði hana ekki.
„Honum fannst hann svo mikilvægur, talaði bara um sig sjálfan allan tímann, hann hafði engan áhuga að vita neitt um mig,“ segir hún.
„Það var skrýtið en hann sagðist ekkert vera á móti vinnunni minni, en þeir segja það alltaf.“
Klámstjarnan sagði að allir karlmenn sem hún hefur farið á stefnumót með síðastliðin fjögur ár hafi sagt að þeir væru ekkert á móti vinnunni hennar, en þeir hafi síðan hætt að tala við hana.
„Ég á svo margar ömurlegar reynslusögur um stefnumótaheiminn í farveskinu. Eins og einn gaur ætlaðist til þess að ég myndi borga því ég þénaði meira en hann.“
Knight sagði að það væri líka „aumingjalegt“ að biðja konu um að borga helminginn. Hún sagði að ef fólk hefur ekki efni á því að bjóða henni út að borða þá ætti það að sleppa því.
