Aðsend grein frá Alkastinu:
Í nýjasta þætti Alkasts Þvottahússins settust þeir niður félagarnir Gunnar Dan og Arnór og ræddu mikilvægustu málin.
Það fyrsta sem bar á góma snéri að líkamlegri heilsu og þeirri ábyrgð sem fylgir því að viðhalda kroppnum og huganum í lagi. Í því samhengi töldu þeir upp þau bætiefni sem þeir báðir hafa talsverða reynslu af eins og Aswagandha, Shilajit og CBD. Öll þessi efni ásamt ferðum í heit gufuböð og köld böð hafa með það að gera að stöðuleika sé komið á hormóna og boðefnakerfi líkamans.
Því næst tók Gunnar nýja stefnu í samtalinu og fór yfir kenningar um Galactic Federation og Schumann Resonans.
Enn ein af áhugaverðustu kenningunum sem tengjast UFO og geimverum eru hugmyndir um Galactic Federation, eða bandalag vetrarbrautarinnar, sem samanstendur af verum frá mörgum mismunandi plánetum og vetrarbrautum.
Kenningin um þessi bandalög hefur verið viðurkennd af ákveðnum hópum innan andlegra og vísindalegra samfélaga, þar sem hún varpar ljósi á möguleg tengsl okkar við geimverur og hið óþekkta. Megináherslan á þessum kenningum er að Galactic Federation, sé „alþjóðlegt“ bandalag sem sér um að fylgjast með og vernda þróun jarðar og lífverur hennar, stuðla að friði, samvinnu og allt í nafni stöðugrar þróunar alheimsins.
Gunnar vill meina að þetta bandalag sé í tengslum við þróun okkar sem tegund, og það hafi mikil áhrif á þróun okkar á jörðinni í gegnum háþróuð og vísindarleg verkefni, sem jafnvel snúa að því að hækkun á tíðni mannlegrar meðvitundar.
Hvað það varðar þá er talið að menn séu nú að ganga í gegnum ákveðna þróun sem er tengd við hækkun á orkutíðni – sem í raun tengist Schumann resonans.
Schumann resonans vísar til náttúrulegra hljóðbylgna sem myndast í lofthjúp jarðarinnar. Gunnar segir þessa tíðni venjulega í kringum 7,83 Hz, sem hefur verið talin náttúrulegur „hjartsláttur“ plánetunnar. Þessar bylgjur hafa mikil áhrif á lífverur jarðarinnar, sérstaklega menn, þar á meðal gríðarleg áhrif á heilastarfsemi okkar og almennt líkamlega heilsu.
Nýlega hafa vísindamenn og áhugamenn um andlega þróun lagt fram kenningar um að Schumann resonans hafi hækkað á síðustu áratugum, og að þessi hækkun hafi áhrif á bæði jarðlíf og okkar eigin meðvitund. Þeir halda því fram að jörðin sé að fara í gegnum ákveðna breytingu sem tengist andlegri vakningu eða þróun, og að þetta sé hluti af þeirri breytingu sem Galactic Federation hafi sagt frá.
Síðustu vikur, eða síðan um áramótin hafa mælingar einkennst af sterkum sveiflum sem margir, meðal annars Gunnar, segjast finna sterkt fyrir. Hann segir:
„Ég er að vakna um miðjar nætur, stundum 2-3 svar á nóttu með mikin tinitus og ofurnæma heyrn, ég heyri í rafmagni og klukkuverki svo eitthvað sé nefnd, eitthvað sem ég hef aldrei fundið fyrir áður. Þar að auki finn ég fyrir miklum draumförum, nákvæmum og skýrum. Ég sem alltaf hef verið „svartsýnn“ á framtíð mannsins er allt í einu farin að trúa því að hugsað sé um okkur og ég finn að ákveðin svæði í líkama mínum eru að opnast, meiri ró er yfir mér, næmleiki, aukið innsæi og aukin styrkur.“
Gunnar segir að að samkvæmt þessum kenningum geti hækkun á Schumann resonans haft áhrif á þróun meðvitundar okkar, sem er stór þáttur í verkefnum Galactic Federeal. Það sem þýðir er að alheimsbandalagið sé að fylgjast með þessum breytingum og að þeir séu virkir í því að styðja okkur við að vaxa andlega og vitundarlega í gegnum þessi tíðnishækkun.
Gunnar segir að í heild sinni er hægt að álykta að tilgangur aðgerða Galactic Federal samhliða náttúrulegri hækkun Schuman Resonance sé að undirbúa okkur fyrir mikilvæg verkefni sem okkur verða gefin af ójarðneskum nágrönnum okkar sem munu leiða okkur að leið samkenndar, friðar og samvinnu við samfélag heillar vetrarbrautar. Ef þessi ályktun reynist rétt gæti það þýtt að við séum að upplifa tímanlega og ákjósanlega breytingu í þróun okkar sem tegund, þar sem við einmitt förum úr því að rífa og tæta hvort annað í sundur með ágreinig og græðgi og yfir í hreina ást og samvinnu.
Þetta magnaða samtal má heyra hér á spilaranum fyrir neðan ásamt að hægt er nálgast alla þætti Þvottahússins á öllum helstu streymisveitum eins og Spotify.
