Það er alltaf gott að rifja upp handamerkið sem varð til í Covid-faraldrinum sem getur bjargað lífi þolenda.

Gott dæmi um það er þegar hugrökk unglingsstúlka gaf ökumanni bifreiðar merkið. Hann kannaðist við það og hringdi í neyðarlínuna og tókst lögreglu að stöðva bifreiðina sem stúlkan var í. Maðurinn sem hafði numið stúlkuna á brott var í kjölfarið handtekinn.

Merkið var búið til vegna aukinnar hættu fyrir þolendur heimilisofbeldis í kjölfar félagslegrar einangrunar vegna Covid.

DOMESTIC VIOLENCE SIGNAL

Isolation can increase the risk of violence at home. Use this discrete gesture during a video call to show you need help:

1. Hold hand up with palm facing other person.
2. Tuck thumb into palm.
3. Fold fingers down over thumb. pic.twitter.com/gsIgSbXOmc

— Halton Police (@HaltonPolice) August 24, 2021

„Merki til hjálpar“ (e. signal for help) er handamerki sem þolendur geta notað til að láta vita að þeir séu beittir ofbeldi eða finnst þeim ógnað. Handamerkið var hluti af nýrri herferð kanadískra kvennasamtakanna, Canadian Women‘s Foundation, gegn heimilisofbeldi og vakti mikla athygli á TikTok.

Hefur bjargað fólki

Fyrir þremur árum var 16 ára stúlku bjargað nálægt Kentucky í Bandaríkjunum. Henni hafði verið rænt og var hún farþegi í bifreið, maðurinn sem hafði rænt henni var að keyra bílinn.

Stúlkan nýtti tækifærið á meðan maðurinn horfði á veginn að gefa merkið út um gluggann farþegameginn. Loksins tók ökumaður annarrar bifreiðar eftir henni og kannaðist við merkið, hann hringdi strax á lögreglu sem tókst að stöðva bifreiðina og bjarga stúlkunni.

Lögreglan greindi frá því á sínum tíma að stúlkan hafði ferðast með manninum, James Herbert Brick, gegn hennar vilja, í gegnum Norður-Karólínu, Tennessee, Kentucky og Ohio. Að sögn yfirvalda reyndi hún að fanga athygli ökumanna, sem tókst að lokum.

James var dæmdur í fjögurra ára fangelsi.

Þolendur heimilisofbeldis geta leitað sér aðstoðar hjá eftirtöldum aðilum: