Berry, 58 ára, ræddi mjög einlæg um þetta tímabil og hvaða áhrif herpesgreiningin hafði á kynlíf hennar og kærasta hennar, Van Hunt, í spjallþætti Drew Barrymore.
„Það var erfitt fyrir okkur að finna leið til að njóta kynlífs á ný, að losna við þurrkinn og svona, því þetta varð ansi erfitt um tíma,“ sagði hún.
Berry og Hunt byrjuðu saman í september 2020. Hún sagði að það hafi verið mjög sársaukafullt að stunda kynlíf yfir sex til sjö mánaða skeið.
Hún rifjar upp þegar hún fann fyrstu einkennin. Hún vaknaði einn morguninn og átti erfitt með að fara á klósettið. „Ég gat það ekki, það var svo sárt. Ég var næstum tíu mínútur að tæma þvagblöðruna því þetta var svo sárt. Og svo var ég með eitthvað þarna niðri sem ég hafði aldrei séð áður,“ sagði hún.
Hunt keyrði hana á sjúkrahúsið en á þeim tímapunkti var kynfærasvæði Berry orðið mjög bólgið.
„Læknirinn var að skoða mig og sagði: „Ég held ég viti hvað þetta er.“ Og ég alveg: „Hvað?“ Og hann sagði: „Mjög slæmt tilfelli af herpes.“
Leikkonan segir að næstu þrír dagar hafi farið í rifrildi og að hún og Hunt hafi ásakað hvort annað um að hafa smitað sig af herpes. Síðan hringdi læknirinn og sagði þeim að hann hefði haft rangt fyrir sér, en þó ekki vita hvað væri að Berry.
Berry lagðist sjálf í rannsóknarvinnu og komst að því að hún væri að byrja á breytingaskeiðinu. Hún fann leiðir til að draga úr einkennunum og gera lífið þægilegra og vill nú miðla sinni þekkingu með öðrum konum og gerir það með nýja verkefni sínu RESPIN.
