Aðdáendur Justin Bieber eru í öngum sínum eftir að tónlistarmaðurinn birti furðulegt myndband á Instagram-síðu sinni. Þar mátti sjá Justin, beran að ofan um borð í einkaflugvél ásamt ónefndum félaga sínum, að rappa furðulegan texta um að hann væri undir áhrifum á meðan hann gæddi sér á kartöfluflögum.
Myndbandið kemur í kjölfar mynda af Bieber þar sem hann leit illa út og hafa aðdáendur miklar áhyggjur af því að hann sé djúpt sokkinn í fíkniefnaneyslu. Umræðan varð til þess að upplýsingafulltrúi Bieber brást við og neitaði því alfarið að tónlistarmaðurinn notaði hörð fíkniefni.
Var ástæðan fyrir slæmu útliti stjörnunnar sögð sú að svæfi illa því að hann ætti sex mánaða son, Jack, með eiginkonu sinni Hailey Bieber og uppeldið á honum tæki á.
Ljóst er að myndbandið nýja mun gera lítið til að kveða niður áhyggjurnar af heilsu Bieber.
View this post on Instagram
